"شعر/ لحظة
ضعف"
بقلم: ريهام محمد وهيب
ما اقدرش أشوفها بتتألم
ولا أى لحظة ضعف فيها
ما اقدرش وسط ما تتكلم
أشوف الدمع فى عينيها
أو يمكن أقدر .. لما أنسى
أى لحظة حلوة بينا عشنا فيها
أى ثانية قضيناها زودت من حبى ليها
أى حاجة قربتنا وأى كلمة ضحكتنا
أى صورة جمعتنا وأى لمسة من إيديها
أى دعوة دعيتها ليا وأى دعوة دعيتها ليها
ما اقدرش أوصف حبى ليكى
ولا قد إيه بخاف عليكى
بادعى ربى كل ليلة ياخد من عمرى ويديكى
وحشتينى بس مش حابب أشوفك
وسط أحزانك وخوفك
وسط ألمك وسط يأسك
وسط ضعفك فوق كسوفك
نفسى أرجع تانى اشوفك
زى ما اتعودت اشوفك
وانتى فى أحسن ظروفك
---------
#ريهام_وهيب
#لحظة_ضعف
ليست هناك تعليقات:
إرسال تعليق